Bilaketak
Bilduma
Liburuak
Aldizkariak
Tesiak
Jakintza Arloak
Gaiak
Gehitutako azken liburuen argazkiak
Azken berriak
Aldiri Arkitektura eta abar bloga Bilblogari lehiaketaren lehenengo edizioan saritu dute. Bilboko Udaleko Euskara Sailak eta nontzeberri.com kultura atariak antolatu dute sariketaren lehenengo edizioa. Ekimenaren helburua da Interneten eta euskarri digitalean euskararen erabilera egonkortzea eta sustatzea.
Aldiri. Arkitektura eta abar bloga, Unibertsitatea.net-eko blog komunitateko kidea da, 2009an sortua UEUko Aldiri arkitekturako hiruhilabetekariaren osagarri elektronikoa izateko. Blog kolektiboen atalean onena izendatu dute ondorengo arrazoiengatik: Testua eta argazkiak bata bestearen osagarri gisa uztartuz, blog honek arkitektura lezio bikaina ematen digu, hurbiltasunez eta modu egokian, artikulu dibulgatiboen bidez eta euskara txukunean. Denoi dagokigun gai bat, denon hizkuntzan adierazia.
ZORIONAK ALDIRI!!!
Durangoko azokak ostiral honetan irekiko ditu ateak. Azoka euskarazko produkzio idatzian nahiz diskogintzan erreferentziala da. UEU unibertsitate mailako euskarazko produkzioan aitzindariak den heinean, ezinbestekotzat jotzen dugu urtero-urtero bertan egotea. Liburuak saltzea baino UEU eta bere lana ezagutaraztea.
Aurtengo azoka, abenduaren 4, 5, 6, 7 eta 8an egingo da eta bertan UEUren argitalpenen mahaia jarriko dugu. Artekaleko 88. postuan egongo gara ondoko hiru nobedade hauekin:
Kondaira aldizkaria elektronikoa, UEUko historia sailak martxan jarri zuen 2003. urtean. Geroztik 10 zenbaki kaleratu dira.
Kondaira aldizkariaren azken zenbaki honetan Historian lizentziatuak diren egileren bi artikulu argitaratu dira:
Ekialde Hurbileko nekazaritza-morrontza.
Erreinuaren bihotzean. Euskaldunek Madrilen osaturiko elkartea (XVIII.-XIX. mendeetan)
Aro Berri Ameriketako nafar emigrazioaren irudiaz: bere buruaren eta bestearen inguruko ikuskera
Ameriketara joandako emigrantearen irudia Euskal Herriko prentsan (1876-1936)
Pariseko Euskal Etxea eta Euskal Nortasuna
Halaber "Historia materiala" atalean, material berriekin osatu da, eta orain testu eta mapa historikoekin batera, aurkezpenak ere badaude. Aurkezpenak Kondaira aldizkariko Erredakzio Kontseiluak landu dituen materialak dira, eta historia arloko klaseak zein hitzaldiak prestatzeko erabil daitezke.
N. Piskunov-en Kalkulu Diferentziala eta Integrala lanaren euskarazko bigarren bertsioa da. Analisi Matematikoaren oinarrizko gai klasikoak agertzen dira lan honetan. Horrek handitzen du liburu honen balioa; izan ere, ingeniaritzako ikasketa eta zientzia-lizentziatura guztietan erabilia izateko parada eskaintzen du.
Bigarren bertsio honi buruz esan, lehenengo bertsioarekin alderatuz, aldaketa asko egin direla, bai akats tipografikoak ezabatuz, bai euskararen eguneraketak sartuz, bai itzultzaileen testuak bateratuz, eta estiloa zainduz. Hori dena liburu hau ikasle euskaldunen artean ere klasiko bihurtzeko asmoz.
