Liburuxka honen helburua perfumeen eta usainaren arlora hurbiltzeko urrats bat ematea da, eta horretarako hainbat ikuspegitako informazio zabala eta orokorra idatzi dugu; horrez gain, gai edo ideia batzuk sakontasun zinetifikoaz aztertu ditugu.

Liburuan perfumearen historia eta horren inguruko istorioak azaldu ditugu, eta bai teknikoagoak diren kimika fisikoaren eta fisiologiaren ikuspuntuak adierazi ere. Gai guztiak irakurrita, irakurlea usainaren eta perfumeen mundu liluragarriaz txundituta geratuko delakoan gaude.

"Usain gozoko esentzia-olioak –naturalak zein sintetikoak– alkoholetan disolbatu eta horien proportzioak artistikoki landu ondoren, ontzi txiki-politetan gorderik eskaintzen diren gaiak", horrela definituko genuke perfumeak zer diren.