Liburu honekin aspalditik dagoen hutsunea betetzen hasi nahi dugu; izan ere, nabarmena da Euskal Herriko ekonomia bere osotasun eta orokortasunean aztertzen duen lanen gabezia. Honek badu nolabaiteko lotura euskal ekonomiak diziplina moduan duen ezagutza ofizial ahularekin. Egoeraren premiak eraman gaitu batik bat unibertsitate-jardueran gabiltzan egileok elkartzera eta unibertsitatean eta hezkuntzan dihardutenentzat ez ezik gizarte zein ekonomia eragileentzat ere erabilgarri izan nahi duen testua prestatzera.

Hartara, Euskal Herriko egoera sozioekonomikoaren diagnostiko xumea egin da liburuan. Ekonomia-krisi sakonaren eta globalizazio neoliberalaren testuingu-ruan geure herrian gertatutako eraldaketa sozioekonomiko indartsuak bildu ditugu, giltzarriak identifikatuz eta hausnarketa-ildo bat garatzeko asmoz.