Uztaro aldizkariaren 63. zenbakia plazaratu da

Aldizkariaren zuzendaria den Jokin Apalategik bere editorialean zera dio:"Sei artikuluz osaturik dator Uztaroren 63. zenbakia. Antropologiatik feminismoaren inguruko eztabaidak aztertzen dira. Historiatik Sabino Aranaren euskaraz mintzatzeko ahalak zenbaterainokoak izan ziren argitzen zaigu. Hizkuntzalaritzatik euskarazko oharmen-aditzen osagarrietako perpaus jokatugabeak zer-nolakoak diren erakusten da. Informazio Zientzietatik irrati eta telebistara lehen aldiz hurbiltzen direnen beldur eszenikoa gainditzeko beharrezkoa den hezkuntza aipatzen da. Psikologiatik emozioen tratamendua nola aldatu den denborarekin puntualizatzen da. Jakingarriak eta prestuak ageri zaizkigu egiten diren ikerketak. Ekonomia

aplikatutik garapeneko parte-hartzeak adierazten duena arakatzen da. Aipatu lanak banan-banan sakonagotik aurkezten saiatuko gara gure ohiko ekimenari jarraiki".